Escòla Gaston Febus - Edicions RECLAMS
Promòver la lenga e la cultura de Gasconha
Tà la fin de l'annada, Reclams que'vs perpausa un Especiau Casteth de Mauvezin. De qué brembà's tròç d'istòria deu casteth, la hèita e la hèsta qu'estó l'arribada de l'Escòla Gaston Febus en 1907 (dab la fòto deu grop!) e de léger quauques tèxtes coma lo poèma de Pascau Abadie (premiat aus Jòcs Floraus en 1930) arrevisitat per Xavi Gutiérrez Riu en Eth bon e eth mau vin.
RENÉ ESCOULA
‘N arrebat ded sorelh, cap-sus u bòsc de hau,
ed Castèt de Febus, mei perbocat de yèira,
dab ed tuhet carrat ded sué donyo condau,
planta sus ed terrè sa corona de pèìra.
Bèt tròs loénh no-i auè gahus auta herau.
A patacs de picòla, à pos de tira-pèira,
aganits de peleis, Anglés, puch Hugònau,
e-i amièn bèts dias-a lèu brochami de hèira.
Oé, totu, Mauvezi que s'ei amistosat.
N'as pareds ded bèt som era sanc s'ei secada,
e n-eds cams ded bèt pèd eds milhòcs qu'an hoelhat.
E no-i entene-òm mes, at lonc dera vrespada,
dab ra canso ded vent n-a yèrba espeluhada,
qu-ed piu-piu d'u cardi onacom arremat.
©2021 Reclams - Escòla Gaston Febus
