17
Juil
2024

Ten-te fièra - reglament

CRIDA A LAS ARTISTAS !
Sois fière “Ten-te fièra !” 
Arts et littérature occitane contemporaine

ORGANISÉ PAR LE PEN OCCITAN
AVEC LES ÉDITIONS RECLAMS
Avec le soutien financier de la Direction régionale des affaires culturelles Occitanie

L’associacion dels escrivans del PEN Occitan e las Edicions Reclams son urosas de lançar una crida a las artistas per la creacion d’una antologia feminina occitana contemporana entre literatura e practicas artisticas.

De qu’es aquò?

Lo PEN Occitan - Poètas-Ensagistas-Novelistas - es l'associacion dels escrivans e artistas de la paraula en lenga d’òc engatjats per la desfensa e la visibilicacion de la literatura nòstra. Lo PEN Occitan fa partit de la granda familha del PEN Internacional que promòu la libertat d’expression a travèrs lo mond. Las Edicions Reclams son un ostal d’edicion engatjat per la literatura d’òc, dins sas diferentas varietats, amb un repertòri plural entre tradicion e modernitat.

Qual pòt participar ?

La crida es obèrta a las cantairas, poètas, escrivanas, artistas de slam, spoken word e a las artistas de creacion visuala al sens larg : fotografia, pintura, illustracions…

Antologia Ten-te fièra !

Per presentar sa candidatura caldrà mandar d'aquí lo 31 d’agost de 2024, un email amb per objècte : Nom d’ostal - Ten-te fièra 2024, a Cette adresse e-mail est protégée contre les robots spammeurs. Vous devez activer le JavaScript pour la visualiser. 

  • Entresenhas dins l’email : pichòt nom, nom d’ostal, data de naissença, vila e una nòta per explicar perqué vos consideratz coma creatora occitana.
  • Un retrach fotografic en bona qualitat
  • Doas notícias biograficas de 150 mots caduna (en occitan e en francés) 
  • Una òbra de creacion inedicha (que foguèt pas encara publicada nimai presentada) 
    • Per la literatura : Un tèxte (pròsa, poèma, cançon…) de 1000 mots max (en occitan + lo meteis tèxte en revirada francesa) 
    • Per las arts visualas : lo vòstre fichièr amb lo crèdit e las entresenhas + possibilitat de mandar un tèxte de 150 mots per explicar vòstre projècte (en occitan + lo meteis tèxte en revirada francesa) 

La jurada de Sois fière “Ten-te fièra !” se recamparà e contactarà las candidatas que seràn seleccionadas per l’antologia. La decision de la jurada es liura e confidenciala. 

Venir membre de PEN Occitan es un pre-requist per figurar dins l’antologia, las candidatas seleccionadas per la jurada podràn aderir a l’associacion.

Podètz venir membre del PEN OCCITAN per l'annada 2024 podètz  aquí : www.helloasso.com/associations/pen-club-occitan/

Al plaser de reçaupre las vòstras candidaturas!  

Tenètz-vos fièras !

La còla del PEN Occitan e de las Edicions Reclams.

P.E.N. OCCITAN / P.E.N. DE LANGUE D’OC
Associacion d'escrivans - Association des écrivains de langue occitane
Poètas - Ensagistas - Novelistas - Poètes - Essayistes - Nouvellistes

 

23
Jui
2024

Setmana mondiau de Gasconha

affiche lescar presGasconha que vau plan ua hèsta, ça ditz lo Cercle gascon de negòcis. Alavetz, qu’avian la Setmana mondiau de Gasconha deu 22 au 29 de junh de 2024.

Tres ans a, un trentenat de personas que’s son assembladas en ua associacion d’enterprenedors tà valorizar los produits de noste. Lo president, Jean-Luc Lagrave, qu’ei lo creator deus vestits de la mèrca Adishatz. Ariane Daguin, creatora de D’Artagnan foods, qu’ei ua sòcia actiu aus Estats Units. David Lesbarreres, un aute sòci e president deu centre E. Leclerc de Sent Vincenç de Tiròssa que perpausa mots gascons dens lo son centre coma lo cornèr Lo cosinèr o lo Viste hèit, nhac & cafè. Etc.

Léger la seguida...

31
Déc
2023

Luishon, un guida pas coma los autes

couverture LuchonLas Edicions Reclams qu'an aviat ua colleccion navèra entà descobrir lo país noste, e que comencèn en 2023 per Luishon. Que's tracta de muishar çò que vesem, coma los monuments o las hèstas, e tanben de revelar causas mens conegudas coma las heitetas o la cultura. Lo libe qu'ei conhit d’informacions de tota mena entà enténer aqueth parçan. Non ei ni un libe sapient ni un libe toristic, mèslèu un libe entà los qu'an enveja de s’impregnar deu charme, de l'amna de la vila.

Per exemple, coneishetz los noms de las montanhas? Qué vòu díser la "Pala Barrada"? Sabetz díser "bon appétit" en luishonés? Lo libe que vos balha la solucion: Bona barra! E sabetz perqué las gents disen: abans l'epòca nosta, los vilatges èran ací haut?

Léger la seguida...

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus