La Sason Culturau França – Romania 2019 que vòu renovelar l’imatge qui avem los uns deus autes. Dens aqueth encastre, lo Ministèri de la Cultura francés que veng de sortir un jòc vidèo entà descobrir las lengas romanicas e facilitar « l’inter-comprenença ». Que i a ueit lengas : francés, romanés, italian, espanhòu, portugués, catalan, occitan e còrse.

Lo prètzhèit deu jòc qu’es de sauvar Romanica.

"Le monde de Romanica se meurt. Depuis que l'on n’y parle plus qu'une seule langue, tous les habitants s'ennuient, se renferment sur eux-mêmes, fuient et abandonnent leurs cités, en passe de disparaître à jamais sous un épais manteau de nuages.

Vous seuls pouvez ramener la vie et la lumière dans le monde de Romanica ! Laissez de côté vos préjugés et vos doutes et faites renaître la diversité des langues de Romanica pour y ramener la joie et la vie avec tous ses habitants !"

Antoni Rossell, professor de filologia romanica de l’Universitat Autonòma de Barcelona e director de l’Arxiu Occità (institut d’estudis medievaus) que hè tanben lo cantaire de musica medievau. Dab lo libe Les poesies i les melodies del trobador Gaucelm Faidit, que’ns presenta un trabalh de qualitat. Parescut en 2013, la soa escaduda continua e ua vidèo navèra que presenta l’òbra.

Que cau brembà’s aqueth trobador deu sèle XII^au qu’ei màger per la soa retorica de l’amor cortés.

Los qui an un abonament Reclams « Revista en linha » que pòden legir adara la revista a l’ecran.

A partir deu n°849.

Entad eths, Reclams que perpausa ua publicacion numerica dab la quau e s'i pòt paginavirar la revista, causir la vista, har un zoom...

Bona lectura en clicant ací e en vse connectant ací!

Reclams que perpausan un navèth site entà mainatges, aperat L’arraton deu castèth. Lo prètzhèit qu’ei de partatjar activitats en gascon après l’escòla.

Lo site qu’ei collaboratiu. Tots que i pòden hornir contes, cançons, jòcs…