Calams bearnés 2019

En 2019, a l'escadença de la 24au edicion deu Concors Calams, 300 participants que concorrón dens ua de las dotze categorias. Aquestas que portavan sus ua produccion literaria, ua arrevirada o ua vidèo e que dependèn deu nivèu de coneishença de la lenga. Un gran trabalh entaus jurats !

Reclams qu'auhereish un abonament aus premiats de la categoria Hèitas, istoèras, condes bracs adultes.

Lo 13 de noveme de 2018, ua batalèra qu’aviè lo concors e qu'anonciè lo tèma comun de l’annada, l’aiga. Los participants qu’estón inspirats. Los organizators, l’Ostau Bearnés e La Civada, que balhèn los prèmis lo 29 de mai a Pau en preséncia de Françoise Marteel, adjunta au maire de Pau e de Monique Sémavoine, conselhèra departementau per çò qui ei de la lenga bearnesa, gascona, occitana. Cantas, musica, vin d’aunor, bufet, tot que i estó.

Com tot an, Reclams qu’auhereish un abonament d'un an a la soa revista aus premiats de la categoria hèitas, istoèras, condes bracs adultes. Enguan, Anne-Marie Bidoret, Geneviève Garanx, Marie-Hélène Hureaux, Lidye Postis, Solange Marquier e Jan Larras peu lor tèxte La hont de Bidàs. Compliments !