Legir la Revista n° 874 en linha
Reclams que publica aqueste mes de març lo son numéro 874. Presentas, las rubricas costumèras de Maurici Romi qui'ns hè tornar descobrir Joan-Baptista Vegaria, e de Domenja Lekuona qui'ns desvela las nautats de la tarlaca informatica en mestior de cultura occitana. Tanben que trobaratz hicadas en perspectiva tres istòrias virant autorn de l'espòrt (rugbi mei que tot), duas novèlas de Tresià Pambrun e Adelina Izac, shens desbrembar la seguida de Quasèrn gris de Josep Pla (arrevirada, Joaquim Blasco). Tà la poesia, dus classics, Pau Sabatèr e Loïsa Paulin au ras de l'exèrcici "a la mòda de" de Xavi Gutiérrez Riu. Tà completar, qu'avem dus articles sus l'actualitat literària escriuts per Pascau Tomàs e Eric Fraj. E com tostemps tots aqueths tèxtes que son lo rebat de la diversitat lingüistica de las autoras e deus autors.