Aqueth numèro de la revista literària Reclams qu'amassa articles qu'esperatz, coma lo capítol III deu libe Un vièlh que legissiá de romans d'amor de Luis Sepúlveda (arrevirat per Joaquim Blasco), o lo punt de lenga de Maurici Romieu qui parla, aqueste còp, de dits, d'artelhs e d'articles! Domenja Lekuona que'ns parla de quauques sites a seguir dens lo son Miralhet deu net.

E lhèu que descobriratz quauquas lecturas, coma Viral de Sèrgi Javaloyès, Escura la neit de Joan Loís Lavit, o torneratz sus escrivans màgers de la grana guèrra.

Que'vs divertiratz dab quauques vielhs contes de nadau, tirats de l'Armanac de la Gascougno, que fremiratz de la criminalitat a Aurinhac ligada a las guèrras d'Espanha, coma conta ací Anna-Pèire Darrées, o que'vs deisharatz portar per Joan-Luc Landi dinca Cangas de Onís.

Fin finau, que legiratz dus poèmas: Los mens uelhs de mainatge de Jan de Bouzet e Un poeta gascon d'Escotarròbi.

Bona lectura!