Numèro de març de 2019 de la revista literària Reclams.
- Editoriau: ua navèra edicion deu Dictionnaire du Béarnais et du Gascon modernes de Simin Palay
- Los emplecs deu sufixe -èr, -èra dens la lenga gascona, Maurici Romieu
- Omenatge a Margalida Rimbaud-Arnautou, un personatge important de l'Escòla Gaston Febus, per Domenja Lekuona
- Arroi sus blanc, ua novèla de las sensiblas de Jausèp de l'Arriu
- La hemna modèrna au musèu de l'òmi, qui conta lo viatge a París d'un Paulin, per Eric Gonzalès
- Un capítol de Bèth peu de sau de Joan-Loís Lavit
- Lo capítol quatau deu "huelheton" Un vièlh que legissiá de romans d'amor de Luis Sepúlveda, arrevirat per Joaquim Blasco.
Quauques poèmas entà escapà's: Ua dolor de Sèrgi Javaloyès, tres poemiòts catalans deu poèta màger, Vicent Andrés Estellés e, fin finala, la famosa Cançon deu lin deu Gersés Paul Tallez.
Singulària. Coma l'especialista de microbioloia catalan, Antòni Noguès, aprengó lo gascon, per Anna-Pèire Darrées.
Presentacion de quauques libes deus bons: ua edicion navèra de La Cançon de la Crozada presentada per Maurici Romieu,Lo Papagai e lo Robòt de Sèrgi Gairal presentat per Jaume Jaussaud. Enfin, Gilles Fossat que'vs perpausa de descobrir lo romancèr provençau Pèire Pessamessa.
Miralhet deu net: la plaça de la lenga sus internet dab Domenja Lekuona.
Bona lectura !
