Eva Cassagnet qu’ei neishuda lo 7 de genèr de 1982 en Bigòrra. Au dia de uei, que demòra en Bearn. Professora de las escòlas en occitan, qu’ei tanben autora, illustratora, scenarista e realizatora (corts metratges, serias) e que presenta mes d’ua emission sus la cadena de television Òctele.

L’escritura e la creacion en occitan que hèn partida de la sua vita vitanta. Ua hami, un besonh, ua evidéncia, pr’amor “escríver, qu’ei víver e morí’s shens cès ni pausa”. D’alhors, la sua imaginacion e la qualitat de la sua escritura qu’ei reconeguda dab 15 prèmis despuish 1993.

Òbra

Eva Cassagnet qu’escriu en revistas coma Jardin d’essai, Reclams, e que dessenha despuish la mainadèra: albums joenessa, contes, novèlas, poesias taus petits e taus mes grans, cançons, romans de ficcion (fantastics o istorics). Au demiei de l’audiovisuau, que podem notar lo cort metratge Shens Papèrs dab Philippe Espinasse en 2016, la seria Lo banc en 2023 e lo navèth Pelòt (en cors).

Bibliografia

La mosca, Edite-moi, 2015: album Joenessa bilingüe.
D’on vienen las estelas ?, IEO Edicions, 2017: album Joenessa, en occitan.
Mès on ei ?, Edite-moi, 2021.
Paraulinas, Edicions Reclams, 2023: recuelh de poesias entaus mainats.
L’ors e las sasons, Edicions Reclams, 2024: album entaus mainats.