Joan-Miquèu Dordeins qu'es naishut a Baiona au sègle darrèr a 19:54 exactament, en ua familha ispanica-gascona. Regent format a Lescar, qu'ensenha quauquas annadas sus la còsta abans de's viéner installar per Ortès on vad "Biarnés cap e tot" atau com professor de las escòlas en classa bilingua.

L'ESCRITURA

De la soa joenessa enlà, gratilhat per l'escritura, que comença per la creacion de cançons. Vadut pair, que's vira tot naturaument de cap a l'escritura e la traduccion d'obratges entaus mainatges. Que publica dus recuelhs de novèlas, en edicion bilingua entà un public mei large e un roman policièr en tot contunhar l'escritura de cançons entau son navèth grop Simple Tres.

Au Joan-Miquèu Dordeins que l'agrada contar istòrias ordinàrias o pas, negras o ròsas que saupica sovent d'ua bona dòsi d'umor. N'a pas arren tanpauc contra lo hèit de jogar dab los mots a mac d'anar dinc a la creacion. Qu'ei un autor a léger los uelhs obèrts... o blus.

Marco Farré qu'entervista Joan-Miquèu Dordeins.

Bibliografia

Joenessa

La dauna deu capulet, Princi Negre editor, 1995
Lo Joan-Peish, CRDP d'Aquitània, 2002
Sauvar la Cristal, IEO, Nosauts de Bigòrra, Per Noste, 2003
Lo pacte, IEO edicions, 2011
La Mala diccion de Viramot, Per Noste Edicions, 2023

Novèlas (edicion bilingua occitan/francés)

L'arrisolet de Miss Alison, Per Noste Edicions, 2013
Dus dias sonque, Per Noste Edicions, 2021

Roman

Murtres en cadena, Edicions Reclams, 2022

Traduccions d'òbras tà la joenessa

La razzia de las Moscas, Gérard Hubert-Richou, CRDP Aquitània, 2010
Istòrias pressadas, Bernard Friot, CRDP Aquitània, 2011
La pindòrla de Kihia, Michel Piquemal, CRDP Aquitània, 2015

Cançons

Vagamond, caisheta audio dab lo grop Flic Flac Fòlc, 1989
Topin biarnés, caisheta audio dab lo grop Flic Flac Fòlc, 1991
Partatge, CD dab lo grop Simple Tres, 2017