Los autors

APD.png

Anne-Pierre Darrées

Anne-Pierre Darrées qu’ei neishuda en 1956 a Miranda, Gèrs. Après estudis d’engenhaira, que trabalha dens un grop internacionau en França e en autes país. Acerà, que nòta los espiars diferents que pòrtan los pòbles suu monde, sus l’art, sus las quitas sciéncias.

La mitologia e la lenga que’u pareishen expressions emblematicas d’aqueras culturas. Alavetz, que decidish de s’interessar a las deu país. Que seguish cors de gascon a París puish a Tolosa e a Bordèu.

Accion

Uei, presidenta de l'Escòla Gaston Febus, que trabalha sustot entà balhar ua plaça a la lenga dens la vita vitanta actuau. Que teng ua rubrica scientifica dens lo jornau Lo Diari, qu'escriu dens la revista Reclams e qu'administra sites internet, coma escolagastonfebus.com (articles setmanèrs sus la cultura de Gasconha) o biblio.ostau-bigordan.com (notícias bibliograficas e libes numerizats deu libièr de l'associacion Escòla Gaston Febus).

Qu'a aviat tanben lo site arraton.fr, site en gascon entaus mainats de 5 a 12 ans, e lo site actujoens.fr entaus joens de 15 a 25 ans.

Ercules l'iniciat

ercules e pirena

 

Ercules qu'ei un eròi popular en mes d'un país, mès qu'a ua plaça particulara a nosta pr'amor de la benalèja dab Pirena. L'autora qu'a volut sortir de la vision d'un eròi que digun pòt pas véncer e retrobar l'ensenhament deus grècs. Ercules que passa per dotze espròvas, dotze trabalhs, que'u van perméter de vénguer un òme. Un òme ensenhat, un òme dab ua consciéncia alargada, e un òme reconciliat dab Junon, la mair deus dius e deus òmes.

Ercules l'iniciat, Anne-Pierre Darrées, livre bilingue, Edicions Reclams, 2021.

Dessins de Margot Raillé.

 

 

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus