Sèrgi Javaloyès qu'ei neishut en 1951 a Òran en Argeria. En 1961, los pairs que l'envian en ua familha d’arcuelh, en Bearn, entà escapar a la guèrra civila. Aquiu, qu'apreng lo bearnés e que'u practica dens la vita vitanta. Qu'ei copresident dab Joan Loís Blenet, de la Confederacion de las escòlas laïcas Calandreta, puish director de l’InÒc Aquitània e secretari deu burèu deu C.E.S.E.R Aquitània.

De cap a 40 ans, qu'escriu un prumèr roman. Qu'escriu regularament en mes d'ua revista coma País Gascons, Òc, Reclams, en jornaus francés coma La République des Pyrénées. Tanben, qu'ei capredactor de la revista Reclams.

Òbra

Sèrgi Javaloyès qu'a lo sens de la narracion. Qu'ei influenciat per William Faulkner, Ernest Hemingway e l’escrivan israelian Amos Os.

Lo son best-seller, L’òra de partir, prèmi Jan Bodon 1998, qu'ei tradusit en tres lenguas : francés, catalan, anglés. Adara, l'autor que trabalha sus un roman en francés.

Domenja Lekuona que presenta a Òc Tele, Sorrom Borrom, un libe de Sèrgi Javaloyès	L’òra de partir qu'ei au programa deu bac d’occitan en 2021 e 2022.

Extrèit de L’òra de partir : E batalar dab Na Gravèra devath lo teit de teulas de la bassacula publica. Non las escoti pas. Que lhèvi l’espiar de cap au cèu. L’aire qu’ei blanc. A n’aver mau aus uelhs. Que planti l’espiar suus movements regulars deus plumaishs petits, fins, bèths… E, com tostemps, los uelhs que’m clucan a plaser, e que camini de pos, en saunejar desvelhat…

Bibliografia

Los libes mes coneishuts de l'autor :

L’òra de partir, Edicions Escòla Gaston Febus, 1997, prèmi Jan Bodon 1998, reedicion, Edicions Reclams, 2002 – roman
La set, Edicions Reclams, 2001, Prèmi Paul Froment 2001 – roman
Garbura,  ed. In8, 2005 – novèla
Sorrom Borrom o le Rêve du Gave, Edicions Reclams, 2010 – epopèa
Au nom de la langue, au nom de la lenga, Edicions Reclams, 2015, version bilingua – ensai
Viral, éd. In8, 2018 – roman en francés
País d'exilis, Edicions Reclams, 2022 – roman

 Tà ne saber mei, clicar ací o visitar lo blòg de l'autor.