Los autors

jean-luc_landi.png

Joan-Luc Landi

Joan-Luc Landi qu'ei vadut en 1957, a París, de mair bearnesa e de pair italian. Autalèu 1982, que s'investí dens mantuas activitats en relacion dab la cultuta occitana : musica (dab Subèr Albèrt), canta, dança,  ràdio (a Ràdio País), teatre (dab los Perulhons d'Espeishèda), interpretacion de contes, racontes o letras (Dus Mots de Letra)...

Qu'ensehnè en primari de 1985 dinc a 2020. Especializat en occitan, que balhè tanben cors tà adultes de 1993 dinc a 2013. Qu'ei tanben autor. Qu'escriu de faiçon regulara dens la revista literària Reclams, on ei redactor adjunt.

Òbra

Qu'escriu de briu, dab lo son plasent costumèr. Los sons perpaus demoran tintas d'umanitat. Joan-Luc Landi qu'espia los autes dab arrespècte e tendressa.

Lo son recuelh de novèlas, Manipòlisqu'amassa tèxtes qui estón remarcats per la lor qualitat literària com los Actes deu Collòqui : La Manipulacion qui receu le prumèr prèmi dens la categoria Novèlas aus Calams de 2003.

Ací un extrèit deu libe, Manipòlis, sus Volusian Glandàs lo Caçaire, àlias Doble-Bang (prumèr prèmi de pròsa aus Calams de 1994) :

— Hòu, Polinari !… 
Bang ! Bang ! Lo tarrible brut que’u pleè lo cap, un gost de trip mau cueit que’u colava dens la ganurra.
— Vedes pas ? Que soi jo ! 

Bibliografia

Revista País Gascons : tèxtes divèrs

Revista Reclams :  articles e novelòtas

Manipòlis, Edicions Reclams, 2015 – 3 novèlas

Arrevirada en occitan :

Doble murtre a l'Abadia, de Jacqueline Mirande, 2010

Correccion d'edicions escolaras en occitan :

Cap a las Mats, manuau de matematicas de CM1, Ed. Hatier

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus