09
Sep
2020

Deishem la paraula a las hemnas

Paraulas de Hemnas coberta

Las hemnas que son realas dens la literatura d’òc desempuish l’epòca barròca. Totun, la lor preséncia que creish a la mieitat deu sègle XIXau. Uei, que s’exprimeishen e que representan un tèrç de la produccion literària.

E i a ua poesia femenina ? Qu’ei la question qui ns'èm pausats. Qu’avem vist un espiar, ua sensibilitat, ua inclinacion tau hons, tà la relacion a l’aute com au mainat, au pair, au tant aimat, un pensament sus la hemna tanben. L'expression que pòt estar doça, trufandèra o violenta.

Lo libe, Paraulas de Hemnas, coordinat per ua joena poetessa, Paulina Kamakine, que presenta trenta sheis autoras de totas las regions occitanas: Adriana ABELLO, Lucia ABELLO, Soreta ALLARD, Lou Petìt Ausèth, Marilena BELTRAMO, Silvia BERGER, Magalí BIZOT DARGENT, Benedicta BONNET, Nadina BORGÉS, Terèsa CANET, Estello CECCARINI, Cecila CHAPDUELH, Amy CROS, Danièla DAO ORMENA, Domenja DECAMPS, Francesca DUDÒNHON, Tòni ESCALA, Danièla ESTÈBE HOURSIANGOU, Mayo FEUGAS, Genevièva GALLEGO, Tizian  GALLIAN, Josí GUILHÒT, Caterina GIUSIANO, Lisa GRÒS, Nicòla LAPORTE, Aurelià LASSACA, Sara LAURENÇ ZURAWCZAK, Emiliana LAVIGNE, Olga MARTINO, Marineta MAZOYER, Brigita MIREMONT ORAZIO, Tresià PAMBRUN, Tiziana RAINA, Caterina RAMONDA, Liliana ZAND, ZINE.

Paulina qu’a pres lo temps de las conéisher, d’identificar un element hòrt qui caracteriza cadua, de causir quauques poèmas de cadua. 

Peu prumèr còp, que balham la paraula a autoras contemporanèas amassadas en un sol libe. Qu’esperam que'vs harà gai de descobrir tota aquera riquessa. E n’ei pas acabat, per'mor qu'un tòme 2 que presentarà un trentenat d’autas autoras...

Clicatz ací : Bona lectura a totas e a tots.

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus