Aquera revista qu'ei un numèro especiau Dictionnaire du Béarnais et du Gascon modernes de Simin Palay. L'editoriau que'ns bremba que la prumèra edicion data de 1932 (tòme 1) e l'obratge qu'estó editat mei d'un còp peu CNRS dinc a l'an 1994. Las Edicions Reclams que'u tornan editar en heurèr de 2020. Los articles que son en francés (6) o en gascon (10).

Dens lo numèro, que legiratz, en francés, l'istòria deu diccionari contat per Sèrgi Javaloyès e Maurici Romieu, ua presentacion per Eric Gonzales de la grafia emplegada dens lo diccionari iniciau, un expausat de Loís Rouch, corrector màger deu diccionari, sus l'ortografia gascona que perpausè.

Maurici Romieu que'ns parla de la qualitat unica deu diccionnari. Tèxtes de Simin Palay eth medish e de Marcèu Sent-Bezard que permeten de véser l'arcuelh recebut. Anna-Pèire Darrées que conta la contribucion de Fernan Sarran.

Fin finau, letras e articles critics que completan lo numèro especiau.