Aqueste còp, Maurici Romieu que nos hè descobrir Paul Sabatèr, un poèta lomanhòu, dens la sua rubrica "Léger un tèxte literari". Joaquim Blasco eth que nos perpausa lo jornau d'un joen escrivan, Josep Pla, debutat en 1918 dens l'agitacion de Barcelona e la calma de la vita vitanta deu son vilatge de mainat. Saludem la participacion de Joan-Loís Lavit, Fabienne Vayrette-Pechali e Eliana Tourtet. Que podetz tanben hèr coneishença dab Laurenç Alibert que publica lo son prumèr recuelh de poesia, Brigalhs mosaïcs, un recuelh dab "una votz prigondament umana". Enfin, Domenja Lekuona que vos parla deu portau Ninon, un site tà promòver lo bilingüisme doriu francés-occitan.