Mar
15

Reedicion deu diccionari Palay

Maurici Romieu, capdau de l’associacion Escòla Gaston Febus Reclams edicions & revista, que recebó un chèc de 2500 € de Ligams, entà ajudar a tornar a editar lo Diccionari deu Biarnés e Gascon modèrnes de Simin Palay.

Lo diccionari, vertadèr tresaur lexicografic e etnografic qu’estó editat per prumèr còp en 1910 e 1934 (dus tòmes). La darrèra publicacion qu’estó realizada peu CNRS en 1980. Despuish qu’ei de mau trobar peu gran public. Alavetz, l’associacion Escòla Gaston Febus Reclams e lo Congrès Permanent de la Lenga Occitana que vòlen remediar ad aquò.

En efèit, aqueth diccionari qu’ei ua vertadèra riquessa en parlar de variacions lexicalas, expressions, arreproèrs, descripcions etnograficas e antropologicas (tradicions, hèstas, etc.). Qu’i podetz trobar, dab fòrça detalhs, los usatges e parlars gascons geograficament atestats de la lenga mairana.

L'associacion Ligams qu'a per prètzhèit de crear ligams enter tots los actors de Bearn e Boca d'Ador qui òbran tà la lenga nosta. La corruda La passem qui's tien a an passat que permet de finançar accions en favor de la lenga nosta. Atau que balhèn 2500€ entà tornar a editar lo diccionari.

Connexion