Actualitats

actualites

Dec
07

Presents tà Nadau 2019

E voletz auherir un libe d'un autor gascon entà Nadau?

Un gran classic tà letraherits? Belina de Camelat, qu'ei la poesia e l'emocion, qu'ei ua eroina pastora deus Pirenèus e ua familha. Bilingüe, qu'ei lo parat de descobrir aqueth gigant de la literatura gascona.  

Ua obra pregonda tà la glòria de la GasconhaRoncesvals de Manciet, qu'ei la poesia, l'umanitat, l'espiritualitat e la noblessa deu pòble gascon e basco au temps de la batalha de Roncesvals. Trilingüe (gascon, basco, francés) que hornirà au legidor ua navèra percepcion de la hèita.

Novèlas frescas, dinamicas tà gasconofònes gaujósManipòlis de Landi, qu'ei ua lectura aisida, viva en ua bèra lenga accessibla. Sonque en gascon.

Un libe originau tà sedusir los classics e los liceansL'estranh de Camus, qu'ei gostar en gascon un tèxte beròi, deja arrevirat en seishanta-ueit lengas, portat au cinèma o en musica.  

Oct
20

Clarisse Habouzit que lei Peyrotet

coloradoAlbert Peyrotet (1931-2009) que neishó a Aubertin, près de Pau. Après los estudis a Bordèu, que demora aus Estats Units d'America. Qu'ensenha lo francés a l'universitat de Grand Forks (Dokota deu nord). Quan torna, qu'ensenha l'anglés e l'occitan a l'universitat de Pau. Qu'escriu dens la revista Reclams e, tanben, que publica mantun obratge de qui lo prumèr Que l'aperavan Colorado, en 1989. Que s'agís de cinc novèlas. L'accion qu'ei au miei deu sègle XXau. Un vent de libertat que boha après la guèrra. Tots que son pertocats, los eròis e los personatges mei convencionaus. Que cau cercar la soa plaça e hèr cap a las pressions sociaus...

Clarisse Habouzit que'ns conta la soa lectura deu libe. Véser la video.

Set
25

Soscripcion au diccionari de Palay

BulletindesouscriptionPalay

L'edicion navèra deu Dictionnaire du Béarnais et du Gascon modernes de Simin Palay qu'arriba. Referéncia peu gascon, explics segurs e vertadèrs, e referéncia per las costumas deus ajòus.

Entà soscríver, clicar ací.

Ag
27

Arreporèrs, dísers, endevinalhas en país de Varètja

de Francis Beigbeder Revista Actu

rondou proverbesAquera reedicion de Proverbes de Barèges par J. Rondou instituteur à Gèdre qu’ei era purmèra reedicion sancèra d’ua edicion en tres liberets de 1911-1913 dera Société Ramond e dera Société académique. Que mancava aras autas edicions eth dusau liberet de mau trobader.

De mei qu’avem ajustat eras endevinalhas deth manuscrit dera Monographie de la Vallée de Barèges, un manuscrit vededer sus eth siti deths Archius departamentaus. En tot 854 articles comentats per Rondou dab quauques ajustèrs.

Ua prefacia de Francis Beigbeder que presenta Jean-Pierre Rondou (1860-1935), era sua vita, era sua obra, naturalista, istorian, etnològue, e particularament en linguistica : lexicologia, toponimia, cultura orala…

Ua referéncia tà retrobar era vita e era filosofia deths nostes davancèrs dera montanha e’th shuc deth beròi parlar de Varètja.

Francis Beigbeder

 

Proverbes, dictons et devinettes en pays de Barège
Jean-Pierre Rondou
Edicion MonHélios, 2017, 126 p., 19 €.

 

 

Jui
30

Prètz rebaishats

libes a prètz rebaishatReclams qu’avia ua operacion de destocatge. Los libes publicats dinc en 2010 que son a mieitat de prètz. Qu’ei lo parat de completar la vòsta colleccion de Bernat Manciet, d’Eric Gonzales o de Sèrgi Javaloyès o enqüèra de descobrir autors coma Albert Peyroutet, Eric Rei-Bèthbéder…

Que podètz tanben hèr ua passejada de cap a l’est dab L’esquinador de Sèrgi Labatut, Ciutat dins l’Azur de Joan Frederic Brun, Lo cèrcadieu o Lei vidas d’Atanasi de Robèrt Lafont.

Daunbuns libes que son en occitan, d’autes bilingües, tots que son libes de qualitat. Crompatz-los, arrecrompatz-los, auheritz-los !

Connexion



-v2-