Cantata per Maria Magdalena
Â
Joan Ives Casanova que continua de pausar sus la taula de la literatura occitana e mei grandament de la literatura la soa òbra hòrta, originau e d’exigéncia, autanplan quan s’ageish de poesia o de pròsa. Lo son darrèr opus bilingüe, titolat Cantata per Maria Magdalena, que’ns parla d’un deus personatges mei coneishuts deus Evangèlis. Desliurada deus sons sèt demònis peu Jèsus, que seguà totas las soas peregrinacions entà ’s hicar au darrèr d’eth e deus apòstols. Lo son devoament e las soas ressorças, com ac hasèn d’autas hemnas qui èran estadas tanben desliuradas e guaridas, qu’estón grans. Que retrobam Maria Magdalena, clarament mentavuda peus evangelistas, dens los relats de la « Passion deu Crist ». Matèu e Marc que la citan entermiei las hemnas qui assistivan au suplici suu Golgotha. Jan, per venciva, qui estó un deus vertadèrs testimònis de la crucificcion, que precisa de que la hemna e’s tienè « près de la crotz », dab la mair de Jèsus e la sòr d’aquesta (Maria de Clopas).Â
Â

Cliquez ici pour vous abonner et bénéficier de l'intégralité des contenus de la revue
Cliquez ici pour acheter les revues papier