Jan
26

Lo baticòr de la tèrra

de Quim Candèrs Revue N° 836-837 / 2015

 

– Volkan la pété ! Volkan la pété !

La novèla s’espandís per tot lo país coma una tirassada de polvera. Lo volcan es dintrat en erupcion. Es lo quatren còp aqueste an. Sèm diluns, un diluns d’ivèrn austral. Deman, dimars, avèm nòstra passejada botanica setmanièra ; es previst d’anar al cap Jaune, dins lo Sud sauvatge coma ditz la propaganda toristica que li agrada exagerar. Mas solfini qu’amb la novèla del jorn, se pòt que cambiem d’idèa. E aquò manca pas: lo malhum del pichòt grop naturalista que sèm triga pas per caufar. Los corrics van e venon, cadun amb son vejaire, pendent l’après-miègjorn, tota la vesprada, e quitament ne’n demòra qualqu’un per l’endeman matin. Es Nicòla qu’enrega la discutida. Los que menan las sortidas son Nicòla e Gislein, botanistas sens parius – dempuèi quatre ans que trevam bòsques, platjas e sèrres avèm pas encara trapada la planta que conescan pas.

 

Abonnez vous pour lire la suite !

Cliquez ici pour vous abonner et bénéficier de l'intégralité des contenus de la revue
Cliquez ici pour acheter les revues papier

Connexion



-v2-