Jan
26

Enqüèra e tostemps - editoriau

de Sèrgi Javaloyès Revue N° 836-837 / 2015

Dens l’admirable obratge de Mona Ozouf, De révolution en République, les chemins de la France [1], que trobèi un passatge qui’ns parla long deu « jacobinisme » prumèr qui, fin finala, a maugrat deus sègles escorruts, e sembla enqüèra de senhorejar la vita politica francesa. Mona Ozouf, bretona, autora tanben d’un esmavent La Composition française [2], que’ns muisha quin los sèt pielars deu jacobinisme e son tanben la continuacion celada de l’absolutisme monarquic e quin tanben lo bonapartisme gessit deu « 18 brumaire » e’s transforma chic a chic en sistèma. Que vedom l'an passat lo Conselh constitucionau de França a tornar produsir un avís desfavorable a la ratificacion de la famosa Carta Europèa de las lengas minoritàrias e regionaus (dejà signada peu govèrn Jospin en 1999), lo Senat a l’arrefusar, e dreta e esquèrra republicanistas a s’i har a har empach a la reconeishença de las lengas de la Republica, que tornam véder tanben la man deu Comitat de Salut Public mes tanben la de Bonaparte, hilh de Corsèga e de l’aute Napoleon, lo IIIau qui tuèn, a de bonas, la revolucion constituanta tà har vàder l’Empèri e lo colonialisme. 

 

Abonnez vous pour lire la suite !

Cliquez ici pour vous abonner et bénéficier de l'intégralité des contenus de la revue
Cliquez ici pour acheter les revues papier

Connexion



-v2-