Mar
01

En l’aunor de Camelat

de Ismaèl Girard Revue N° 824-825 / 2012

Miquèu de Camelat neishut lo 26 de genèr 1871, bèth drin abans la Comuna de París, que’s morí a Tarba, en çò de la soa hilha, Belina, quauques mes après la fin de la guèrra d’Argeria. Qu’estó, de 1897 a la soa despartida, lo secretari generau de l’Escole Gastoû Febus (Escòla Gaston Febus) e capredactor de la noste revista, tirat la tempsada pendent laquau e la deishè dab Simin Palay, tà fondar e gerir, de 1901 dinc a 1904, « La Votz de la Tèrra », lo setmanèr de vocacion populara. La revista « Reclams de Bearn e de Gascounhe » qui vaderà après 1900 « Reclams de Bearn e de Gascougne », qu’estó la soa carga diària, soventòtas la soa crotz, mes tanben lo son bonur.

Que’vs cau léger entad aquò har la letra qui mandè lo 9 de genèr 1946 a Andrèu Pic dont volè har lo son successor a prepaus de la descobèrta de Bernat Manciet : « (…) Abans de barrar que’t diguèi qu’un navèth escrivan de nautat qu’ei vadut en Lanas ; que s’apèra Bernat Manciet, qu’a hèit estudis, qu’a ua licéncia de letras, sordat qu’ei a Engoleime (qu’ei vadut de Sabres e qu’a 22 ans). Que s’i vòu har, qu’a cossirat aquestas òras per Gelòs1 e que’m promet estudis sus l’Alemanha a la Bavièra. Que voleré encaminà’s taus consulats, e qu’a gran hami de s’i har. Per ara, qu’ei un imitador de Ronsard, mes qu’a dequé devath deu quèpi. […] »

Abonnez vous pour lire la suite !

Cliquez ici pour vous abonner et bénéficier de l'intégralité des contenus de la revue
Cliquez ici pour acheter les revues papier

Connexion



-v2-